_1741321068.jpg)
झापा
झापाको बिर्तामोड २ स्थित भगवान चोकमा रहेको निदि माध्यमिक विद्यालय तथा इन्द्रेणी क्याम्पसले १०औं वार्षिकोत्सव तथा अभिभावक दिवस कार्यक्रम मनाएको छ ।
आज बिहिबार एक भब्य समारोहका बिच विद्यालयले प्राङगणमा वार्षिकोत्सव मनाएको हो ।
बार्षिकत्सवको अवसरमा विद्यालयले प्राइमरी लेवलका शिक्षक शारदा उप्रेती, मावि तहका घनश्याम पौडेल, साहयक प्रिन्सिपल रामकृष्ण दाहाल र कर्मचारी निरमाया अधिकारीलाई सम्मान गरेको छ ।
_1736908732.jpg)
उनीहरुलाई कार्यक्रमको प्रमुख अतिथि बिर्तामोड नगरपालिका शिक्षा तथा युवा तथा खेलकुद शाखा प्रमुख तिलचन्द भण्डारीले दोसल्ला ओढाएर सम्मानपत्रद्धारा सम्मान गरेका थिए ।
त्यस्तै कार्यक्रममा हालै सम्पन्न हरीकुमार प्रसाई स्मृति एभरेष्ट कपमा दोस्रो स्थान हासिल गर्न सफल नीदि विद्यालयका विद्यार्थीलाई सम्मान समेत गरिएको थियो ।
कार्यक्रममा प्रमुख अतिथि भण्डारी सहित प्यासन जिल्ला अध्यक्ष छत्रबहादुर कार्की, बिर्तामोड नगर अध्यक्ष सुरेन्द्र खरेल, बिर्तामोड ३ का वडाध्यक्ष मदन बुढाथोकी लगायतले शुभकामना मनतब्य राखेका थिए ।
विद्यालयको प्रगती विवरण सहित कार्यक्रमको औचित्माथि विद्यालयका प्रिन्सिपल भिष्म प्रसाईले प्रकाश पारेका थिए ।
विद्यालयका सञ्चालक समिति सदस्य रमेश प्रसाईको अध्यक्षतामा भएको कार्यक्रमको सञ्चालन शिक्षक सरोज घिमिरेले गरेका थिए ।
आज स्कुल लेबलको सांस्कृति कार्यक्रम सहित मनाइएको बार्षिकत्सवमा भोली प्लस टु र विविएस तहका विद्यार्थीले बिबिध कार्यक्रम गर्ने इन्द्रेणी क्यामपसका प्रिन्सिपल रन्जित शाहले जानकारी दिए ।
कक्षा नर्सरी देखि १२ सम्म रहेको विद्यालयमा २०१५ जना विद्यार्थी अध्ययनरत रहेको बताइएको छ । करीब एक सय बढी शिक्षक र कर्मचारी कार्यरत छन् । कार्यक्रममा विद्यार्थीले बिबिध सांस्कृतिक प्रस्तुती, नाटक, कविता, खेल प्रतियोगिता प्रस्तुत गरेका थिए ।
