_1741321068.jpg)
भद्रपुर : भद्रपुर झापा गोल्डकपको दोस्रो संस्करणको उपाधि आयोजको टिम भद्रपुर ब्लेजर्सले चुमेको छ ।
मेची रंगशालामा आज भएको फाइनल खेलमा झापा ११ एफसीलाई २–० गोल अन्तरले पराजित गर्दै भद्रपुर ब्लेजर्सले उपाधि उचालेको हो । जितसँगै भद्रपुर ब्लेजर्सले नगद १३ लाखसहित ट्रफी प्राप्त गरेको छ भने उपविजेतामा झापा ११ ले नगद ७ लाख पाएको छ ।
भद्रपुर ब्लेजर्सले खेलको ३० औं मिनेटमा अग्रता लियो थियो । डिबक्स बाहिरबाट मिलन राईको सट पासमा पेनाल्टी एरियाभित्रबाट कप्तान आशिष चापागाईंले जाली चुमाउँदै टिमलाई १–० ले अग्रता दिलाएका थिए भने दोस्रो हाफमा भद्रपुरका सत्यम शर्माले अतिरिक्त समयमा गोल गरेका थिए ।
