बिर्तामोड : झापा बिर्तामोड(२ मा जारी प्रथम चारपाने युनाइटेड भेट्रान कप नकआउट फुटबल प्रतियोगितामा उर्लाबारी भेट्रान एफसी सेमिफाइनल प्रवेश गरेको छ ।

सिलिगुडीको सुकुना लिजेन्ड भेट्रान एफसीलाई २(० गोल अन्तरले हराउँदै उर्लाबारीले अन्तिम चारमा स्थान पक्का गरेको हो ।

उर्लाबारीका लागि पहिलो हाफमा गंगा कार्की र दिपक पोमु लिम्बूले गोल गरेका थिए । खेलको प्लेयर अफ द म्याच लिम्बू भए । उनले नगद एक हजार १०० र ट्रफी पाए ।

उनलाई आजका प्रमुख अतिथि झापा जिल्ला खेलकुद विकास समितिका अध्यक्ष प्रशान्त भण्डारी, क्लबका अध्यक्ष माधव खरेल लगायतले पुरस्कार प्रदान गरे ।

बेलडाँगीस्थित वीर अमरसिंह माविको खेलमैदानमा जारी प्रतियोगितामा १३ टोलीहरु सहभागी रहेको आयोजक चारपाने युनाइटेड भेट्रान एफसीका अध्यक्ष माधव खरेलले बताए ।

फागुन २१ गते हुने फाइनल खेलको विजेताले नगद ५१ हजार १५१, ट्रफी र मेडल पाउनेछ भने उपविजेताले नगद ३१ हजार १३१ ट्रफी र मेडल प्राप्त गर्ने क्लबका सचिव मोहन कोइरालाले बताए ।

त्यस्तै, प्लेयर अफ द म्याचले एक हजार १०० र ट्रफी पाउनेछ । प्रतियोगिताको सर्वोत्कृष्ट खेलाडीले नगद ५ हजार र ट्रफी पाउँदा उत्कृष्ट गोलकिपर, डिफेन्डर, फरवार्ड र उच्च गोलकर्ताले नगद २ हजार र ट्रफी पाउने अध्यक्ष खरेलले बताए ।