_1741321068.jpg)
बिर्तामोड : युवा व्यवसायी अजय चौधरीले आफ्नो जन्मदिनको अवसर पारेर प्रेस चौतारी झापालाई आर्थिक सहयोग गरेका छन् ।
पर्पल किचन एण्ड इन्टेरियरका सञ्चालक चौधरीले प्रेस चौतारी झापाले स्थापना गरेको पत्रकार उपचार सहयोग कोषमा १५ हजार रुपैयाँ सहयोग हस्तान्तरण गरेका हुन् ।
आज बिर्तामोडस्थित प्रेस चौतारी झापाको कार्यालयमा रकम हस्तान्तरण गर्दै उनले कोषको महत्व बुझेर सहयोग रकम हस्तान्तरण गरेको बताए । उपचार कोषका संयोजक भिमा शिवाकोटीले एउटा माथि अर्को ईटा थपेर मानवीय सेवाका लागि सहयोग गरेकोमा चौधरीलाई धन्यवाद दिइन ।
कार्यक्रममा केन्द्रीय सदस्य गोपाल काफ्ले, जिल्ला अध्यक्ष प्रदिप परियार, उपाध्यक्ष सुनिरा मैनाली, पत्रकार महासंघका सहसचिव रमेश तिवारी, सदस्यहरु प्रकाश बाँनिया, अस्मिता साँखी, तिर्थ तिम्सिना, कबिचन्द्र गुरागाईलगायतको उपस्थिती रहेको थियो ।
