बिर्तामोड ।

वीरता जुनियर जेसीज बिर्तामोडको आयोजना , बीएण्डसी अस्पतालको प्रायोजन र पाथिभरा इन्जिनियरिङ कलेजको सह–प्रायोजनमा झापाको बिर्तामोडमा एक दिने ‘एजुकेशन फेष्ट २०२५’ सम्पन्न भएको छ ।

‘आजका युवा भोलिका लागि देशका स्तम्भ’ भन्ने नाराका साथ बिहीवार आज एक दिने  शैैक्षिक उत्सव भएको हो ।

बिर्तामोड नगर कार्यबहाक प्रमुख नगेन्द्रप्रसाद संग्रौलाको प्रमुख आतिथ्य र बीरता जुनियर जेसीजका अध्यक्ष अस्मित गोसाईको अध्यक्षतामा उद्घाटन कार्यक्रम भएको हो ।

कार्यक्रममा डा. महेन्द्र थापा, इ. शीतल मण्डल, पत्रकार नरेन्द्र ढकाल, प्रदीप परियार, युवा ब्यवसायी बिमल राजवंशी, पर्यटन ब्यवासयी दिक्षित ढकाल, थ्रिडि आटीस्ट प्रियाशु भट्टराई, युवा नेता अमिर राई, होलस्टीक लाइफ कोच तृष्णा रेग्मीले आफ्नो आफ्नो बिषयको प्रशिक्षण प्रदान गरेका थिए ।  

झापाका २५ बढी बिद्यालयका प्लस टु अध्ययनरत बिद्यार्थीको सहभागीता रहेको थियो । कक्षा १२ पश्चात विद्यार्थीले कुन बिषय पढ्न उपयुक्त हुने र के पढ्ने लगायतका बिषयमा विद्यार्थीलाई प्रशिक्षण प्रदान गरिएको थियो ।

कार्यक्रममा प्रमुख अतिथि संग्रौला, बिर्तामोड–३ का वडाध्यक्ष मदन बुढाथोकी, बिर्तामोड–५ का वडाध्यक्ष रोहित प्रसाई, बिर्तामोड उद्योग बाणिज्य संघका अध्यक्ष राजु न्यौपाने लगायतले शुभकामना मनतब्य राखेका थिए ।