झापा  प्रहरीले आज झापामा ३२९ वटा सवारी साधन नियन्त्रणमा लिएको छ । दिउंसो ३ बजे सम्म सो सङ्ख्यामा नियन्त्रणमा लिइएको हो तर अहिले सो सङ्ख्या बढ्न सक्ने जिल्ला प्रहरी कार्यालय झापाका डिएसपी तथा प्रबक्ता खगेन्द्र खड्काले जानकारी दिए । आज होलीका दिन ट्राफिक नियम उल्घंन गर्ने तथा  जथाभावी चलाउने सवारी साधन प्रहरीले  नियन्त्रणमा लिएको हो । 

प्रहरीले २९२ वटा मोटरसाइकल, ३६ वटा अटो रिक्सा र सिटी तथा एउटा कार प्रहरीले नियन्त्रणमा लिएको जिल्ला प्रहरी कार्यालयले जनाएको छ । मोटरसाइकलमा तीनजना सवार  , मादक पदार्थ सेवन गरी चलाउने , बिनाहेल्मेट सवारी चलाउने , बाटोमा अबाञ्छित गतिविधि गर्नेलाई नियन्त्रणमा लिइएको प्रहरीले जनाएको छ । उनीहरुलाई आजै सांझ आवश्यक दण्ड जरीवाना गरि छाडिने प्रहरीले जनाएको छ ।