_1741321068.jpg)
नेपाल अलैंची व्यसायी महासंघले अलैंची कृषक लक्षित अन्तरक्रिया तथा छलफल कार्यक्रमलाई तिब्रता दिएको छ । अलैंचीको उत्पादन, गुणस्तर सुधार र बजारीकरणकालागि महासंघको अग्रसरतामा अहिले पुर्वि पहाडि जिल्लामा कृषक लक्षित धमाधम कार्यक्रम भइरहेको हो ।
यसै क्रममा आज संखुवासभा जिल्लाको सभापोखरीमा जिल्लाका किसानसंग महासंघको अग्रसरतामा कार्यक्रम गरिएको हो ।
किसान तथा व्यवसायीमा ज्ञानको अभाव, गुणस्तरहीन अलैंची उत्पादन तथा प्रशोधन, कर प्रणालीको अस्तव्यस्तता, गुणस्तर मापन गर्ने संयन्त्रको अभावले अलैंचीको व्यवसायिक विस्तार हुन नसकेको महासंघका अध्यक्ष निर्मल भट्टराईले बताए ।
उनले सरकारले अलैंची कृषक लक्षित बजेट र अनुदानको व्यवस्था गर्नुपर्ने, खेती विस्तार र रोग किराबाट बचाउन माटो परीक्षण गरी उपयुक्त हुने जातको अलैंची लगाउन सरकारी सहयोग आवश्यक रहेको औंल्याएका थिए ।
_1736908732.jpg)
अलैंचीको बाली बिमामा सरकारले सघाउनुपर्ने, सिंचाई प्राविधिक परामर्श उपलब्ध गराउनुपर्ने, अलैंचीसम्बन्धी प्राविधिक ज्ञानको अभावका कारणले समस्या उत्पन्न भइरहेको सहभागि किसानले गुनासो गरेका थिए ।
अलैंचीको उत्पादन, प्रशोधन, बजारिकरण र नीति निर्माण तहमा समस्या रहेको बताउँदै यी समस्या समाधानका लागि सरकारले पहल गर्नुपर्ने महासंघका महासचिव नारयणप्रसाद चिमरीयाले माग राखेका थिए ।
महासंघका कार्यकारी अधिकृत अनील ढुङ्गानाका अनुसार कोशी प्रदेशको कृषि मन्त्रालयको सहयोगमा अलैंचीको उत्पादन , गुणस्तर र बजारीकरणकालागि महासंघको अगुवाईमा सम्बन्धीत सरोकारवालासंग प्रदेसका ९ जिल्लामा ९ वटा कार्यक्रम गरिने छ । हिजो सोमबार धनकुटा जिल्ला आज , संखुवासभामा कार्यक्रम सम्पन्न गरिएको ढुङ्गानको भनाई छ । भोली भोजपुर, खोटाङ, सोलुखुम्बु र इलाम , पाँचथर, ताप्लेजुङ लगायतका जिल्लामा कार्यक्रम गरिने महासंघले जनाएको छ ।
