हल्दीबारीको १८ औं गाउँ सभाबाट पाँच ऎन तथा कार्यविधि पारित

हल्दीबारी गाउँपालिकाको १८ औं गाउँ सभा अधिबेशन आज बिहिवार सम्पन्न भएको छ ।

हल्दिबारी गाउँपालिका अध्यक्ष रवीन्द्र प्रसाद लिङ्देनको अध्यक्षतामा भएको हिउँदे अधिबेशनले ऎन र कार्यबिधी पास गरेको हो ।

पालिका प्रमुख प्रशासकीय अधिकृत मानबहादुर बन ९ महेन्द्र ०ले दिनुभएको जानकारी अनुसार पालिका प्रवक्ता एवं वडा नम्बर १ का अध्यक्ष देवी बहादुर थापाले प्रस्तुत गर्नु भएको ५ वटा ऎन तथा  कार्यबिधीलाई सर्वसम्मतले अनुमोदन गर्दै पास गरेको छ ।

उनका अनुसार  हल्दीबारी गाउँपालिकाको गाउँ र नगर प्रहरी ९ व्यवस्थापन तथा संचालन ० सम्बन्धि ऎन २०८१ , शिक्षक सरुवा सम्बन्धि कार्यबिधी २०८१,  हाट बजार संचालन तथा  व्यवस्थापन कार्यविधि २०८१,  प्राविधिक तथा सीप बिकास सम्बन्धि कार्यविधि २०८१ र उत्कृष्ट कृषक पुरस्कर  कार्यविधि २०८१  रहेका छ्न ।

सभा अधिबेशनमा पालिका उपाध्यक्ष लक्ष्मी देवी मैनालीले बजेट र कार्यपत्र प्रस्तुत गर्नु भएको थियोे । सभाले केहि योजनाहरु थपघट कुल बजेटमा नघटाई पारित समेत गरेको जनाइएको छ ।

हल्दिबारी गाउँपालिकामा अध्यक्ष र उपाध्यक्ष सहित  १७ जना  राप्रपाबाट निर्वाचित छ्न भने एमाले बाट १ वडा अध्यक्ष सहित ६ जना , काङ्ग्रेसबाट १ वडा अध्यक्ष सहित २ जना र नेकपा माओवादी केन्द्रबाट १ वडा अध्यक्ष सहित ४ जना जनप्रतिनिधिहरु निर्वाचित रहेका छ्न ।