जिल्ला प्रहरी कार्यालय झापाले अवैध सामानसहित एउटा भारतीय कार र चालकलाई आज नियन्त्रणमा लिएको छ।
पक्राउ परेका ३४ वर्षीय चालक अमित सिंह रहेका छन्। सिंह भारत बंगालको दार्जिलिङका बासिन्दा रहेको प्रहरी ले जनाएको छ ।

मेचिनगर नगरपालिका–६ कालिखोला नजिकै भारतबाट नेपालतर्फ आउँदै गरेको डब्ल्यूबी ७४ एस २१५२ नम्बरको भारतीय कार सहित उनी पक्राऊ परेका हुन् ।
शुक्रबार दिउँसो चेकजाँच गर्ने क्रममा प्रहरीले अवैध सामान फेला पारेको प्रहरीले जनाएको छ ।

_1736908732.jpg)
प्रहरीका अनुसार कारको सिटमुनि फल्स बटम बनाई लुकाइएको अवस्थामा मोबिल तथा मोटर पार्टपुर्जाहरू फेला परेको थियो। ती सामानको अनुमानित मूल्य एक लाख १५ हजार ५८२ रहेको छ।
त्यस्तै कारको मूल्य ८ लाख गरी जम्मा नौ लाख पन्ध्र हजार ५८३ बराबरको कार र सामान बरामद गरिएको झापा प्रहरी प्रवक्ता डिएसपी खगेन्द्र खड्काले जानकारी दिए ।

उक्त कार र सामानसहित चालकलाई आवश्यक कारवाहीका लागि मेची भन्सार कार्यालय काकरभिट्टामा बुझाइएको छ। घटनाको थप अनुसन्धान जारी रहेको जिल्ला प्रहरी कार्यालय झापाले जनाएको छ।