झापा, 

नेपाल अडिटर्स एशोसिएसन झापाको अध्यक्षमा पर्शुराम बुढाथोकी सर्वसम्वत निर्वाचित भएका छन् ।

शुक्रवार भएको नेपाल अडिटर्स एशोसिएसन झापाको ७ औं जिल्ला अधिवेशन बाट वुढाथोकी अध्यक्षमा १५ सदस्यीय समिति चयन भएको हो ।

नेपाल अडिटर्स एशोसिएसन अडानका केन्द्रिय अध्यक्ष केदारनाथ पौडेलको प्रमुख आतित्यमा सम्पन्न अधिवेशनले उपाध्यक्षमा चिरञ्जीवी नेपाल, सचिव खिवलाल अधिकारी, सह–सचिव वावुराम पोखरेल, कोषाध्यक्षमा डम्बर बहादुर सुब्बालाई चयन गरेको छ ।

नव निर्वाचित अध्यक्ष बुढाथोकीले संस्थालाई अझ प्रभावकारी रुपमा अघि बढाउने, सदस्यहरुको हक हित र व्यावसायिक विकासमा ध्यन दिई सहकार्यका साथ काम गर्ने प्रतिवद्धता व्यक्त गरेका थिए ।