झापा (सशस्त्र प्रहरीले झापाको बुद्धशान्तिबाट १६३६ किलो गाँजासहित दुईवटा ट्रक शुक्रबार नियन्त्रणमा लिएको छ । इलामबाट झापातर्फ आउँदै गरेका दुईवटा मिनी ट्रकलाई मेची राजमार्गमा खानतलासी गर्ने क्रममा प्रहरीले ठूलो परिमाणमा गाँजा फेला पारेको हो ।

को १ ख ५००१ र प्र १-०२-००२ ख ०५८४ नम्बरको ट्रक नियन्त्रणमा लिएको सशस्त्र प्रहरीले जनाएको छ 

पूर्व सूचनाका आधारमा सशस्त्र प्रहरीले ती ट्रकमा खान तलासी गरेको थियो । खानतलासीका क्रममा ५७ बोरामा गाँजा भेटिएको छ ।

प्रहरीले ट्रक चालक धनकुटा सहिदभूमि नगरपालिका घर भएका महेश राई र इलामको माई जोगमाई(२ घर भएका गङ्गाबहादुर बस्नेतलाई पक्राउ गरेको छ ।

ट्रक चालकका साथबाट ८७ हजार ८८० रुपैयाँ र पाँच थान मोबाइल सेटसमेत बरामद भएको छ ।