_1741321068.jpg)
सन्तोष न्यौपाने ÷झापा
भद्रपुर भन्सार कार्यालयले अधिग्रहण गरेको जमिनको मुआब्जा वितरण कार्य अन्तिम चरणमा पु¥याएको छ । पुरानै संरचनामा मूल भन्सार कार्यालयमा परिणत गरेपछि भन्सार विभागले भद्रपुर भन्सारको स्त्तोरउन्नतीसँगै नयाँ भौतिक संरचना निर्माणका लागि बाटोको उत्तरपट्टि जमिन अधिग्रहण गरेको हो ।
सो जमिनलाई ६ भागमा विभाजन गरी रकम निर्धारण संगै वितरण गरिएको भन्सार कार्यालयका प्रमुख भन्सार अधिकृत अर्जुन सिटौलाले जानकारी दिए ।
१ सय ४ वटा कित्ता रहेको जग्गाधनीका लागि जमिन र घर, टहराको छुट्टाछुट्टै मूल्याङ्कन गरी किस्ता किस्तामा गरि रकम वितरण गरिएको भन्सार अधिकृत सिटौलाले बताए ।
_1736908732.jpg)
६० करोड १३ लाख ८२ हजार ४०३ रुपैयाँ वितरण गर्नुपर्नेमा अब भने करीब ३ करोड रुपैंया मात्र वितरण गर्न बांकी रहेको उनले जानकारी दिए । आवश्यक कागज नमिलेका कारण रोकिएको सो मुअब्जा रकम कागज मिले पश्चात वितरण गरिने जनाइएको छ ।
भद्रपुर–गलगलिया सीमा नाका जोड्ने मेची नदीमा पक्की पुल सञ्चालनमा आए लगत्तै सरकारले २०७५ भदौ १ गते छोटीबाट स्तरोन्नति गर्दै भद्रपुर भन्सार कार्यालयलाई मूल भन्सार बनाएको थियो । पुरानै संरचनाबाट काम गरिरहेको भन्सारलाई नयां संरचना निमार्ण भए काम गर्न सहज हुने भन्सार अधिकृत सिटौलाको भनाई छ ।
जग्गा अधिग्रहण मूल्याङ्कन उपसमितिले स्थानीयको करिब ९ विगाहा जग्गा अधिग्रहण गर्ने निर्णय गर्दै १०४ जनाको घर टहरासहितको जग्गा २०७७ साल साउन २७ गते सूचना प्रकाशन गर्दै भूमिसुधार तथा मालपोत कार्यालयमा रोक्का राखेको थिए ।
नम्बरी र बाँकी ऐलानीसहित १० बिगाहा जमिन लिने निर्णय तत्कालीन अवस्थामा सरकारले निर्णय गरेको थियो ।
अधिग्रहण गरेको जग्गाको भन्सारले समयमा क्षतिपूर्ति बापतको मुआब्जा रकम वितरण नगरेको भन्दै पीडितहरूले कयौँ पटक भन्सार कार्यालय घेराउदेखि धर्ना,तालाबन्दी गर्दै सडक समेत बन्द गरेका थिए ।
