झापा :    नेपाली कांग्रेसनिकट  नेपाल थारु संघ  झापाको पहिलो अधिवेशनले  पुष्पलाल चौधरीको अध्यक्षतामा  समिति  गठन गरेको छ ।  अधिवेशनले जिल्ला समितिको उपाध्यक्षमा लवकुमार चौधरी , सचिव हरिकुमार चौधरी, सहसचिवमा  शेषलाल चौधरी र कोषाध्यक्षमा भगवान चौधरीलाई चयन गरेको छ । 

१३ सदस्यीय समितिको सदस्यहरुमा  महादेव चौधरी ,  विष्णुकुमार चौधरी ,  मोतिलाल चौधरी ,  विष्णुकुमारी चौधरी , श्यामलाल चौधरी ,  मैनाकुमारी चौधरी,  सुशिला चौधरी र राधा चौधरी रहेका छन् ।  त्यस्तै  तेजनारायण चौधरी र राजनारायण चौधरी रहेको दुई सदस्यीय  सल्लाहकार  समितिसमेत गठन भएको छ । 

पुष्पलाल   चौधरीको अध्यक्षता र नेपाली कांग्रेसकी महाधिवेशन प्रतिनिधि( सुनसरी) तथा  नेपाल थारु संघकी केन्द्रीय सदस्य  सुशिला चौधरीको प्रमुख आतिथ्यमा भएको कार्यक्रममा  नेपाल  लोकतान्त्रिक  आदिवासी  जनजाति  महासंघ  झापा क्षेत्र नं २ का  अध्यक्ष लवकुमार चौधरीले  स्वागत मन्तव्यसहित  कार्यक्रमको औचित्यमाथि प्रकाश पारेका थिए । 

कार्यक्रममा प्रमुख अतिथि चौधरी ,  विशिष्ट अतिथि  नेपाली कांग्रेस झापाका कोषाध्यक्ष जलकुमार गुरुङ,  थारु कल्याणकारिणी  सभाका पूर्व  केन्द्रीय सदस्य तेजनारायण  चौधरीलगायतले  शुभकामना मन्तव्य  राखेका थिए ।  कार्यक्रमको संचालन  हरिकुमार चौधरीले गरेका थिए ।