औषधि उपचार गरिएको हात्तीको स्वास्थ्यमा क्रम्रिक सुधार

डिभिजन वन कार्यालय झापाको समन्वयमा डार्टिङ गरी औषधि उपचार गरिएको बिरामी जङ्गली हातीको स्वास्थ्य अवस्था बुझ्नका लागि सरकारवाला हरु वनमा गएका छन् । 

बुद्धशान्ति गाउंपालिका ५ स्थित  पाँचपोखरी सामुदायिक वन क्षेत्रमा  रोगी  अवस्थामा फेला परेको हात्तीको शुक्रबार  वनहाताभित्र   उपचार  गरिएको थियो।

उपचार गरेर बन मै छोडिएको  हात्तीको   स्वास्थ्य अवस्था बुझ्नका लागि प्रदेश वन निर्देशक डाक्टर इन्द्र प्रसाद सापकोटा र डिभिजन वन कार्यालय झापाका डाक्टर सोनाम भाल, कार्यलय प्रमुख भरतबाबु श्रेष्ठ सहितको टोली  शनिबार गएको हो ।  

हात्तीको स्वास्थ्य अवस्था बुझ्नका लागि पुगेका डाक्टर सापकोटाले हात्तीको उपचारमा सहयोग गर्ने सबै निकायलाई धन्यवाद व्यक्त गरेका छन्। 

डिभिजन वन कार्यालय झापाका प्रमुख भरत श्रेष्ठले पनि उक्त जङ्गली हात्तीलाई उपचारमा सहयोग पुर्याउन र अझ स्वास्थ  सुधार का लागि सामुदायिक वनका पदाधिकारी आरटी टिम सहित मेची सबडिभिजन तथा डिभिजन वन कार्यालय झापाका कर्मचारी सहित का  निकायलाई निर्देशन दिएका छन्। 

उनीहरू सहित हात्तीको स्वास्थ्य अवस्था बुझ्नका लागि पाँचपोखरी   सामुदायिक वनका अध्यक्ष चेतन आचार्य मेची सबडिभिजन वन कार्यालयका वन अधिकृत सुरज निरौला लगायतको टोली बनमा पुगेको  थियो। 

औषधि उपचारपछि उक्त हात्तीको स्वास्थ्यमा क्रमिक सुधार भइरहेको देखिएको र हाल पाँचपोखरी सामुदायिक वनमा हात्ती चरिरहेको मेची सब डिभिजन बन कार्यालयका सहायक वन अधिकृत डिल्ली राम खरेल ले जानकारी दिए । 

हात्तीलाई केरा बन्दा कटर सहितको आहारको व्यवस्था समेत गरिएको उनले जानकारी दिए। उक्त हात्तीको पछाडिपट्टिको दाहिने खुट्टा र पुच्छरको फेदमा    घाउ भएको छ । 

चितवन राष्ट्रिय निकुञ्ज भेटनरी अस्पतालका डाक्टर अमिर सडौला तथा राष्ट्रिय पकृति संरक्षण कोष कोशीटप्पुका  पुरुषोत्तम मुडोबरीको नेतृत्वमा आएको प्राविधिक विज्ञ टोली , डिभिजन वन कार्यालयका सोनाम भाल सहितको टोलीले  हात्तीलाई डार्टिङ गरी उपचार गरेको हो ।