झापामा सवारी दुर्घटनामा परी ६६ जनाको ज्यान गयो

चैत १३, २०८१
साझा अनलाइन

झापा जिल्लामा सवारी दुर्घटनामा परी ६६ जनाको ज्यान गएको छ । चालु आवको आठ महिनाको अवधिमा आठ सय ७१ वटा सवारी दुर्घटनामा परी ६६ जनाको ज्यान गएको

जिल्ला ट्राफिक कार्यालय झापाले जनाएको छ । दुर्घटनामा एक हजार तीन सय ९६ जना घाइते भएका छन् । यता कार्यालयले आठ महिनाको अवधिमा ट्राफिक नियम उल्लङ्घन गर्ने ४० हजार चार सय ५९ वटा सवारी साधनलाई कारबाही गरेको छ ।

जसबाट कार्यालयले दुई करोड ६६ लाख ६१ हजार राजश्व समेत संकलन गरेको छ । दुर्घटना न्यूनीकरणका लागि कार्यालयले जिल्लाका विभिन्न स्थानमा तीन हजार सात सय ८२ वटा जनचेतनामूलक कार्यक्रम गरेको छ भने ती कार्यक्रमबाट एक लाख ५५ हजार ५३ जना लाभान्वित भएको जिल्ला ट्राफिक प्रहरी कार्यालय झापाका प्रमुख प्रहरी निरीक्षक गणेश पौडेलले जानकारी दिए ।