_1741321068.jpg)
इलाम ः
यातायात व्यवस्था कार्यालय इलामले सात करोड ६६ लाख रुपैयाँ बढी राजस्व सङ्कलन गरेको छ । कार्यालयले चालु आर्थिक वर्ष २०८१÷०८२ को ८ महिना साउन १ देखि फागुन मसान्तसम्म सात करोड ६६ लाख ७१ हजार नौ सय १३ रुपैयाँ राजस्व सङ्कलन गरेको कार्यालय प्रमुख खगेन्द्रप्रसाद मैनालीले जानकारी दिए ।
नयाँ सवारी दर्ता, नवीकरण तथा सवारी चालक अनुमतिपत्र (लाइसेन्स) वितरण लगायतबाट सो राजश्व संकलन भएको प्रमुख मैनालीले बताए ।
कार्यालयले यातायात क्षेत्रको आम्दानीबाट ८० लाख ५६ हजार १५, व्यवसाय रजिष्ट्रेशन दस्तुरबाट ९६ हजार र चालक अनुमतिपत्र (लाइसेन्स), सवारी दर्ता किताब (ब्लु बुक) सम्बन्धी दस्तुरबाट एक करोड ३४ लाख ४६ हजार तीन सय ५५ रुपैयाँ राजस्व सङ्कलन गरेको जनाएको छ । त्यस्तै प्रशासनिक दण्ड, जरिवान र जफतबाट दुई हजार र सवारीसाधन करबाट पाँच करोड ५० लाख ७१ हजार पाँच सय ४३ राजस्व सङ्कलन गरेको छ ।
_1736908732.jpg)
त्यसैगरी नेपाल–भारत सीमाक्षेत्र पशुपतिनगरस्थित सवारी पटेक बाटो इजाजत राजस्व असुली केन्द्रबाट ६६ लाख ३४ हजार नौ सय १० राजस्व सङ्कलन भएको कार्यालय प्रमुख मैनालीले जानकारी दिए । यातायात व्यवस्था सेवा कार्यालयकै मातहतमा रहने गरी अघिल्लो वर्ष पशुपतिनगरमा राजस्व असुली केन्द्र स्थापना भएको थियो ।
यो कार्यालयमा इलाम जिल्ला सहित पाँचथर , ताप्लेजुङ र झापा सहितका अन्य क्षेत्रबाट पनि सेवा लिन सेवाग्राहीहरु आउने गरेको कार्यालयले जनाएको छ ।
