_1741321068.jpg)
झापा
नेपाल पत्रकार महासंघले शुक्रबार राजतन्त्र पक्षधरहरूको प्रदर्शनका क्रममा मारिएका एभिन्यूज टेलिभिजनका पत्रकार सुरेश रजकको हत्यामा संलग्नलाई कारबाहीको माग गर्दै देशभर विरोध प्रदर्शन गरेको छ ।
यहि क्रम्रमा झापामा पनि पत्रकार महासंघ झापा शाखाको आयोजनामा बिर्तामोडमा पत्रकार रजकको हत्या तथा पत्रकार र सञ्चारगृहमाथि भएको आक्रमणको विरोधमा प्रदर्शन गरिएको हो ।
महासंघको ७१औँ स्थापना दिवसको पूर्वसन्ध्यामा पत्रकार रजकको हत्या भएपछि वार्षिकोत्सवलाई विरोध सभामा परिणत गरेको महासंघले आज दिउंसो बिर्तामोड स्थित मुक्ति चोकमा विरोध प्रदर्शन र सभा गरेको हो ।
_1736908732.jpg)
विरोधसभामा महासंघका अध्यक्ष एकराज गिरी, पुर्व अध्यक्षहरु कृष्ण हुमागांई, मोहनकाजी न्यौपाने, गणेश पोखरेल, तारमणी सापकोटाले रिपोर्टिङमा खटिएका पत्रकार रजकको षड्यन्त्रपूर्वक हत्या भएको भन्दै घटनाको सत्यतथ्य छानविन गरी दोषीलाई कारबाहीको दायरामा ल्याउन सरकारसँग माग गरेका छन् । उनीहरुले पत्रकार रजकको परिवारलाई क्षतिपूर्ति दिन समेत माग गरेका छन् ।
उनीहरुले मागहरू पूरा नभए महासंघ झापा शाखा निरन्तर सडक संघर्षमा उत्रिन बाध्य हुने समेत घोषणा गरेका छन् ।
