_1741321068.jpg)
बिर्तामोड । अग्रसेन भवन बिर्तामोडले रजत महोत्सवको उपलक्षमा नौ दिने दिव्य श्री राम कथा वाचन सगै बिबिध कार्यक्रम आयोजना गरेको छ ।
आज आइतवार आयोजित पत्रकार सम्मेलनमा जनाइए अनुसार चैत २२ गतेदेखि २९ गतेसम्म राम कथाको आयोजना गरिएको छ ।
त्यस्तै रजत महोत्सवका अवसरमा राम कथा वाचन सगै नव निर्मित भवनको माथिल्लो तला उद्घाटनसँगै रक्तदान, कृत्रिम खुट्टा बितरण र योग शिशिरको आयोजना गरिएको अध्यक्ष सुरेश अग्रवालले भद्रपुरे’ले जानकारी दिए ।
हरिद्वारा भारतका प्रशिद्ध कथा बाचक नवराज प्रपन्नजी महाराजले राम कथा वाचन गर्ने बताइएको छ ।
_1736908732.jpg)
सोही अवसरमा २६ जनालाई कृत्रिम खुट्टा बितरण, औषधि रहित जीवन जीउनका लागि सहयोग पु¥याउन सात दिने योग शिविरलगायतका कार्यक्रम आयोजना गरिएको छ ।
२२ गते शुक्रवार विहान ७ वजेदेखि विभिन्न झाँकीसहित मान सग्रन्थ एवम् कलश शोभा यात्रा हुने छ ।
त्यस्तै अग्रसेन भवनको नव निर्मित माथिल्लो तलाको उद्दघाटन अग्रसेन भवनका सल्लाहकार जगदीश मिण्डाले गर्ने छन् भने नव निर्मत कोठासहित हलको उद्घाटन अर्का सल्लाहकार छविलदाश वंसलले गर्ने कार्यक्रम तय भएको प्रचार प्रसार समितिका संयोजक सन्तोष अग्रवालले जानकारी दिए ।
त्यस्तै २३ गतेदेखि २९ गतेसम्म हरेक दिन योग शिविर, चैत २५ गते विहान ११ वजेदेखि रक्तदान, २६ गते निःशुल्क कृत्रिम खुट्टा वितरण, ३० गते राम कथा समापन तथा महाप्रसाद वितरण कार्यक्रम रहेको प्रचार समितिका दिपक मित्तलले जानकारी दिए ।
पत्रकार सम्मेलनमा नेपाल पत्रकार महासंघका उपाध्यक्ष सुव्रत न्यौपानेले सञ्चारमाध्यमले धार्मिक प्रचारप्रसारका लागि सक्दो सहयोग गर्ने प्रतिवद्धता जनाएका थिए ।
