_1741321068.jpg)
झापा : नेपाल पत्रकार महासंघ झापा शाखाले पत्रकार हत्या र संचार माध्यममाथि आक्रमणको विरोधमा झापाका प्रमुख जिल्ला अधिकारी मार्फत प्रधानमन्त्रीलाई ज्ञापनपत्र बुझाएको छ ।
गत चैत १५ गते राजावादी आन्दोलनका क्रममा पत्रकार सुरेश रजतको हत्या भएको घटनाप्रति महासंघले कडा आपत्ति जनाउँदै न्यायको माग गरेको छ ।
महासंघका झापा अध्यक्ष एकराज गिरी, उपाध्यक्ष सुब्रत न्यौपाने, सचिव प्रदिप परियार सहितको नेतृत्वमा गएको टोलीले झापाका प्रमुख जिल्ला अधिकारी गोपाल अधिकारीलाई आज ज्ञापनपत्र हस्तान्तरण गरेका छन् ।
_1736908732.jpg)
ज्ञापनपत्र हस्तान्तरण कार्यक्रममा महासंघका प्रदेश, जिल्ला का पत्रकार सहित विभिन्न पत्रकार संगठनहरूको सहभागिता रहेको थियो ।
महासंघका अध्यक्ष एकराज गिरीले घटनाको निष्पक्ष छानबिन गरी दोषीलाई कडा कारबाही गर्न माग गरेका छन् । समाचारको बिषयलाई लिएर बिभिन्न क्षेत्रबाट पत्रकारहरुलाई धाक धम्की आउने गरेको बताउंदै महासंघ अध्यक्ष गिरीले पत्रकारको सुरक्षाको प्रत्याभुती प्रशासनले गर्नु पर्ने माग समेत गरेका छन् ।
पत्रकार महासंघले प्रेस स्वतन्त्रतामाथि कुनै पनि प्रकारको हमला सह्य नहुने बताउँदै पत्रकारहरूको सुरक्षाका लागि आवश्यक कदम चाल्न सरकारलाई आग्रह गरेको छ।
ज्ञापन पत्र बुझ्दै प्रमुख जिल्ला अधिकारी गोपालले पत्र केन्द्र सरकारलाई प्रठाउने बताउदै झापामा प्रेस मैत्री बनाउन आफु प्रतिबद्ध रहेको र पत्रकारको सुरक्षाको ग्यारेन्टी प्रशासनले लिने प्रतिबद्धता ब्यक्त गरेका छन् ।
