_1741321068.jpg)
काठमाडौं ।
राजधानीको तीनकुनेमा जिउँदै जलाएर हत्या गरिएका एभिन्यूजकर्मी सुरेश रजकको परिवारले हत्या सम्बन्धमा जिल्ला प्रहरी परिसर काठमाडौँमा जाहेरी दिएका छन् । रजककी श्रीमती सुजन मगियाले हत्या नियोजित रुपमा गरिएको भन्दै प्रहरीसमक्ष जाहेरी दिएकी हुन् ।
उनले आन्दोलनकारीले क्रुरता र निर्ममता पुर्वक आफ्ना श्रीमानको आगोमा जलाएर मार्ने र हत्यामा संलग्न व्यक्तिलाई कानुनी कारबाहीको दायरामा ल्याउन माग गरेकी छन् ।
यही चैत १५ गते एभिन्यूजकर्मी रजकको राजावादी समर्थकले काठमाडौंको तीनकुनेमा जिउँदै जलाएर हत्या गरेका थिए । रजकले भिडिओ छायांकन गरिरहेको अवस्थामा एक स्थानीयको घरमा राजावादीले आन्दोलनकारीले आगजनी गरेका थिए ।
