_1741321068.jpg)
सन्तोष न्यौपाने÷झापा
झापाको हल्दिबारी गाउँपालिकाले पालिकाबासीलाई दुई बर्ष अघि देखि निरन्तर निःशुल्क खानेपानी वितरण गरिरहेको छ ।
पालिकाबासीमा शुद्ध खानेपानीको पहुँच पु¥याउने उद्देश्यले निःशुल्क खानेपानी वितरण कार्यलाई निरन्तरता दिइरहेको पालिकाले जनाएको छ ।
गाउँँपालिकाले १० युनिट (१० हजार लिटर) सम्म पानीको महशुल स्थानीयलाई निःशुल्क दिंदै आएको अध्यक्ष रबिन्द्र लिङ्देनले जानकारी दिए ।
_1736908732.jpg)
यसअघि उपभोक्ताले मासिक १० युनिटसम्म खानेपानी खपत गर्दा रू एकसय २० तिर्दै आएका थिए । सोभन्दा बढी खपत भएमा खपतका आधारमा उपभोक्ताले महसुल तिर्नुपर्नेछ ।
गाउँपालिका क्षेत्रभित्र हाल तीन वटा गोलधाप खानेपानी , जलथल खानेपानी र हल्दिबारी खानेपानी आयोजना सञ्चालनमा रहेको अध्यक्ष लिङ्देनको भनाई छ । यी तीनवटा आयोजनाबाट ३०५९ जना उपभोक्ता लाभान्वित बनेको प्रमुख प्रशासकिय अधिकृत मानबहादुर वनको भनाई छ ।
गत आर्थिक बर्ष २०७९÷८० मा पालिकामा करीब ३३ किलोमिटर क्षेत्रमा खानेपानी पाइप बिस्तार गरिएको थियो ।
खानेपानीको बिस्तारकालागि यस चालु आवमा संघिय सरकारको सर्सत अनुदानमा प्राप्त १ करोड ५० लाख मध्ये १ करोड ८ लाखमा पालिकाले ठेक्का लगाएको छ । जसबाट खानेपानीका पाइप संगै आवश्यक सामाग्री पालिकामा आइसकेको प्रशासकिय अधिकृत वनको भनाई छ ।
अबको केहि दिनमा पाइप लाइन विस्तार गर्न सुरु गरिने पालिकाले जनाएको छ । शुद्ध खानेपानीको अभाव हुँदा विभिन्न रोगको संक्रमण हुने र स्वास्थ्यसँग प्रत्यक्ष जोडिएको विषय भएकाले पनि खानेपानीलाई प्राथमिकता दिइएको पालिकाले जनाएको छ ।
निःशुल्क खानेपानी वितरणका लागि खानेपानी आयोजनाका कर्मचारीहरुको तलब र विद्युत् महसुल गाउँपालिकाले उपलब्ध गराउने गरेको गाउँपालिकाका कार्यकारी प्रमुख वनले जानकारी दिए । पालिकाले बार्षिक ४० लाख हाराहारीमा खानेपानी आयोजनालाई रकम उपलब्ध गराउने गरेको छ ।
कर्मचारीको तलब र विद्युत् महसुल तिरिदिए वापत ती खानेपानी आयोजनाले उपभोक्तालाई मासिक १० युनिटसम्म खानेपानी निःशुल्क उपलब्ध गराउँदै आएका छन् ।
