_1741321068.jpg)
काठमाण्डौ – नेपाल सुपर लिग एनएसएल फुटबलमा काठमाण्डौ रेजर्सले पहिलो जीत हासिल गरेको छ । दशरथ रङ्गशालामा आज भएको पहिलो खेलमा काठमाण्डौले पोखरा थन्डर्सलाई ३–० गोलले हराएको हो ।
काठमाण्डौका लागि स्टेफेन समिर बिनोङ र एलिजोन एलिजोनोभले एक–एक गोल गरे । यसअघि भएका दुई वटा खेलमा काठमाण्डौले बराबरी खेलेको थियो । काठमाण्डौ तीन खेलमा पाँच अङ्कसहित तालिकाको दोश्रो स्थानमा उक्लिएको छ । तीन वटै खेलमा हारेको पोखरा तालिकाको पुछारमा छ ।
यस्तै आज हुने दोश्रो खेलमा धनगढी र ललितपुरको खेल बेलुका ६ बजे दशरथ रङ्गशालामा शुरु हुँदैछ । एउटा खेल खेलेको धनगढी जीतसहित तीन अङ्कका साथ चौथो स्थानमा छ । साविक विजेता ललितपुर एक बराबरी र एक जीतसहित चार अङ्कका साथ तेश्रो स्थानमा झरेको छ ।
सात टोली सहभागी प्रतियोगितामा चितवन एफसी लगातार दोस्रो जीतसहित छ अङ्कका साथ तालिकाको शीर्ष स्थानमा छ । ujyaloonline.com
