_1741321068.jpg)
झापा
विद्यालयहरूमा करियर गाइड र करियर पाथका लागि स्किल ल्याबको आवश्यकता र त्यसको प्रभावकारी प्रयोगबारे झापामा मिट एण्ड ग्रीट कार्यक्रम सम्पन्न भएको छ ।
विर्तामोडको सिद्धार्थ होटल ग्राण्ड सिटीमा आइतबार आयोजित कार्यक्रममा विभिन्न विद्यालयका प्रतिनिधि, शिक्षा क्षेत्रका विज्ञ तथा सरोकारवालाहरूको उल्लेख्य सहभागिता थियो ।
_1736908732.jpg)
सह–आयोजक इन्साइटफुल प्याथवेज्का फणिन्द्र दाहालले अनौपचारिक ढंगले कार्यक्रम सञ्चालन गरेका थिए । सो संस्थाकी प्रवन्ध निर्देशक पुष्पाञ्जली ठकुरीले उद्घाटन मन्तव्य राख्दै विद्यालय तहमा करियर गाइड र व्यावसायिक सीप विकासको आवश्यकता र सम्भावना बारे प्रकाश पारेकी थिइन् ।
यस्तै, स्किल ल्याबका संस्थापक निर्देशक नन्दकिशोर मण्डलले स्किल ल्याबको परिचय गराउँदै विद्यार्थीहरूको करियर विकासका लागि ल्याबले खेल्ने भूमिका स्पष्ट पारे । स्किल ल्याबमार्फत करियर पहिचानदेखि निरन्तर सहकार्यको अवसरबारे सुदीक्षा राजभण्डारीले डेमोमार्फत जानकारी गराइन् ।
त्यस्तै, शिरीजङ्ग हाङ राईले स्किल ल्याबको विगत र वर्तमान अवस्थाका बारे अनुभव सुनाउँदै उपलब्धि र सिकाइहरू प्रस्तुत गरे । निलाद्री परियालले विद्यालयहरूमा स्किल ल्याबलाई व्यवस्थित रूपमा स्थापना गरी अभिभावक, शिक्षक र विद्यार्थी सबैलाई समेटेर कसरी अघि बढ्न सकिन्छ भन्ने व्यावहारिक उपायहरू प्रसतुत गरिन् ।
कार्यक्रममा सहभागी विद्यालय प्रतिनिधिहरूले कार्यक्रम उपयोगी भएको प्रतिक्रिया दिँदै आगामी दिनमा अझ मजबुत सहकार्य गर्न तयार रहेको प्रतिबद्धता जनाएका थिए ।
