बिर्तामोड ः बिर्तामोडस्थित मोहनमाया माध्यमिक विद्यालयका विद्यार्थीलाई ट्राफिक सचेतना प्रदान गरिएको छ । 

वीरता लेडी जेसीजले विद्यार्थीका लागि सोमबार ट्राफिक सचेतना कार्यक्रम आयोजना गरेको हो ।  दुर्घटना न्यूनिकरणमा सहयोग पु¥याउन, सडक सुरक्षा र ट्राफिक नियमका विषयमा जनचेतना फैलाउने उद्देश्यले कार्यक्रम आयोजना गरिएको वीरता लेडी जेसीजकी अध्यक्ष निशा शाक्यले बताइन । 

विद्यालयका प्रधानाध्यापक शेरबहादुर श्रेष्ठको प्रमुख आतिथ्यमा आयोजित सचेतना कार्यक्रममा जिल्ला ट्राफिक प्रहरी कार्यालय झापाका प्रमुख गणेश पौडेलले ट्राफिक नियमको महत्त्व, पालना र सडक सुरक्षाका उपायबारे विद्यार्थीलाई प्रशिक्षित गरेका थिए । उनले सडक पार गर्दा अपनाउनु पर्ने सुरक्षाका बिषयमा जनचेतना प्रदान गरेका थिए । 

प्रहरी सहायक निरीक्षक इन्द्र बिष्टले व्यवहारिक पक्षमा जोड दिँदै सडकमा सुरक्षित यात्रा कसरी गर्ने भन्ने विषयमा विद्यार्थीलाई सचेत गराउका थिए । 

कार्यक्रममा पूर्व अध्यक्ष संगीता चिमरिया लगायतले शुभकामना मनतब्य राखेकी थिइन ।