झापाको बिर्तामोड ५ स्थित न्युटन्स एजुकेसन एकेडेमीले आजबाट विद्यार्थीहरूलाई लक्षित गरेर नेतृत्व तथा व्यक्तित्व विकास सम्बन्धी तालिम सुरु गरेको छ ।
आज मंगलबार बिर्तामोड स्थित बिर्तापाटी प्यालेसमा विद्यार्थीहरूको लागि व्यक्तित्व विकास र नेतृत्व विकास सम्बन्धी तालिम सुरु भएको हो । तालिम मंसीर ५ गते सम्म चल्नेछ ।
सकारात्मक सोच र आत्मविश्वास निर्माण ,तनाव व्यवस्थापन ,अध्ययनमा ध्यान केन्द्रित गर्ने तरिका ,समस्या समाधान प्राप्त गर्ने लगायतका बिषयमा कक्षा ४ देखि कक्षा १२ सम्मका विद्यार्थीहरुलाई लक्षित गरेर तालिम सुरु भएको विद्यालयका प्रिन्सिपल देवेन्द्र हुमागाईंले जानकारी दिए ।
_1736908732.jpg)
आजको तालिममा कक्षा ८ देखि १० सम्मका ५०० बढी विद्यार्थीहरू सहभागी छन्। सहभागीहरूलाई शैक्षिक प्रशिक्षक प्रखर वक्ता तथा परामर्शदाता ईश्वर श्रेष्ठले प्रशिक्षण प्रदान गरिरहेका छन्।
बुधबार कक्षा ५ देखि ८ सम्मका र बिहिबार कक्षा ४ का न्युटन्सका विद्यार्थी र एभरेस्ट स्मार्टका कक्षा ४ देखि १० सम्मका र मङ्सिर ५ गते कक्षा ११ र १२ का विद्यार्थीहरुलाई नेतृत्व र व्यक्तित्व विकासका लागि तालिमको आयोजना गरिएको न्युटन्स एजुकेसन एकेडेमीका प्रिन्सिपल हुमागाईंले बताए ।
पढाइको अलावा विद्यार्थीहरूको क्षमता तथा मानसिकतमा अभिवृद्धि गर्दै पढाइमा निखरता ल्याउनका लागि तालिमको आयोजना गरिएको उनले जानकारी दिए ।
अनारमनी पब्लिक क्याम्पसका मोहन शिवाकोटीको प्रमुख अतिथ्यतामा भएको उद्घाटन कार्यक्रमको अध्यक्षता विद्यालय व्यवस्थापन समितिको अध्यक्ष धर्मा पराजुली पर्साईले गरेकी थिइन्।
कार्यक्रममा प्रमुख अतिथि शिवाकोटी , नेल्टा कोशी प्रदेश उपाध्यक्ष धर्मेन्द्र भट्टराई लगायतले शुभकामना मन्तव्य राखेका थिए
