बिर्तामोड ।

इलाका प्रहरी कार्यलय बिर्तामाेडले पछिल्लाे साता प्रशासनले दिएको समयको अवज्ञा गर्दै आइरहेको भन्दै बिर्तामोडमा सञ्चालित डान्सबारमा छापा मारेको छ । 

प्रहरीले बिर्तामाेडका  तीनवटा डान्सबारमा छापा हानेकाे हाे । रूपेश राजवंशीले सन्चालन गरेकाे जन्नत, भरत राजवंशीले सन्चालन गरेकाे   नाईट लाईफ र  राम रावंशीले सन्चालन गरेकाे तृष्णामा  प्रहरीले  राती छापा मारेकाे हाे । 

ती डान्सबारबाट प्रहरीले  ९ थान  सेट (वाकीटकी)  नियन्त्रणमा लिएकाे छ  । 

प्रशासनले तोकेको समयलाई बेवास्ता गर्दै राति अबेरसम्म डान्स बार खोलेर सञ्चालन गरिरहेको भेटेपछि नाईट लाईफबाट दुई जनालाई समेत नियन्त्रणमा लिएकाे प्रहरीले जनाएकाे छ । 

प्रहरीकाे संरक्षणमा राती अबेर सम्म  डान्सबार सन्चालन भइरहेकाे जनगुनासाे आएपछि प्रहरीले   डान्सबारमा  कडा निगरानी गर्न सुरु गरेको जनाएकाे छ । 

एक साताको अवधिमा प्रहरीले दुईवटा डान्सबारबाट चारजनालाई नियन्त्रणमा लिएको जनाएको छ ।

गएराति १२ बजे समय पछि   बिर्तामोड-१ पश्चिम स्टेन्ड नजिक रहेको द नाईट लाईफ नामको डान्सबारबाट प्रहरीले तास खेलिरहेकाे आशंकमा दुईजनालाई नियन्त्रणमा लिएको  इप्रका बिर्तामाेडका डिएसपी बिजय श्रेष्ठले जानकारी दिए । 

 प्रहरीले सो डान्सबारबाट अर्जुनधारा-६ बस्ने हरेन राजवँशी र बिर्तामोड-४ बस्ने चन्द्रमणि प्रसाईंलाई पक्राउ गरेको छ ।  राजबंशीको साथबाट ३४ हजार ७०० नगद, २ थान तास र प्रसाईंको साथबाट ७ हजार ५०० नगद बरामद गरेको प्रहरीले  जनाएको छ ।

बिर्तामोड प्रहरीले पाँच दिन अघि पनि डीडब्लु डान्स बार र द नाइट लाइफ डान्स बारमा छापा मारेर दुई जनालाई पक्राउ गरेको थियाे । 

डीडब्लु डान्स बारका एकाउन्टेन्ट मेचीनगर नगरपालिका-२ का २३ वर्षीय संगित राजवंशी र द नाइट लाइफ डान्स बारका एकाउन्टेन्ट सप्तरी जिल्ला गोल बजार-१ बका २३ वर्षीय युगल चौधरीलाई पक्राउ गरेको  थियाे । तर प्रहरीले उनीहरूलाई भेलीपल्टै छाडेकाे थियाे । जुन घटनाकाे निन्दा समेत भएकाे थियाे  ।