झापा — विभिन्न सामाजिक संघ–संस्थामा नेतृत्वदायी भूमिका निर्वाह गर्दै सामाजिक क्षेत्रमा सक्रिय रहँदै आएकी कुशल महिला नेत्री पार्वता भारती गिरीले सहारा नेपाल बचत तथा ऋण सहकारी संस्था लिमिटेडको आगामी निर्वाचनमा महिला उपाध्यक्ष पदमा उम्मेदवारी घोषणा गरेकी छन्।
सहारा नेपाल बचत तथा ऋण सहकारी संस्थाको निर्वाचन आगामी असोज १० गते हुँदैछ। उक्त निर्वाचनमा गिरीले महिला उपाध्यक्ष पदमा उम्मेदवारी दिएकी हुन्।
लामो समयदेखि सामाजिक तथा सामुदायिक क्षेत्रमा सक्रिय गिरीले विभिन्न संघ–संस्थामा नेतृत्वदायी जिम्मेवारी सम्हाल्दै अनुभव हासिल गरेकी छन्। सामाजिक क्षेत्रमा महिलाको सहभागिता, नेतृत्व विकास तथा संस्थागत सुदृढीकरणका विषयमा उनको सक्रिय भूमिका रहँदै आएको बताइन्छ।
सहकारी क्षेत्रलाई थप व्यवस्थित, पारदर्शी, सदस्यकेन्द्रित र प्रभावकारी बनाउन आफ्नो अनुभव र क्षमता उपयोग गर्ने उद्देश्यले उम्मेदवारी दिएको गिरीले बताएकी छन्। उनले सहकारीका सदस्यहरूको हित, महिला सहभागिता अभिवृद्धि तथा संस्थाको दिगो विकासलाई आफ्नो प्राथमिकतामा राख्ने प्रतिबद्धता व्यक्त गरेकी छन्।
सहारा नेपाल बचत तथा ऋण सहकारी संस्था झापालगायत पूर्वी नेपालमा वित्तीय तथा सामाजिक क्षेत्रमा सक्रिय सहकारी संस्थाका रूपमा परिचित छ। आगामी निर्वाचनमा गिरीको उम्मेदवारीसँगै संस्थाको नेतृत्वमा महिलाको सहभागिता र प्रतिनिधित्वको विषय पनि चर्चामा आएको छ।
निर्वाचन नजिकिँदै जाँदा विभिन्न पदमा उम्मेदवारी दिएका उम्मेदवारहरूले आफ्ना एजेन्डा र प्रतिबद्धतासहित सदस्यहरूसँग भेटघाट तथा छलफललाई तीव्र बनाएका छन्।
यसअघि संस्थाको सञ्चालक समिति सदस्यसमेत रहेकी पार्वताले धेरै संघसंस्थामा नेतृत्व तहमा रहेर कुशल नेतृत्व गरिसकेकी छिन् । उनले पारदर्शी र जवाफदेही संस्था, महिला सशक्तिकरण र सहभागिता, सदस्यको हित र विश्वासलाई प्राथमिकता र आधुनिक र सक्षम सहकारी निर्माण गर्नेलगायतका प्रतिवद्धतासहित उम्मेद्वारी दिएकोे बताइन् ।
‘तपाईको सानो मत, सहकारीको ठूलो भविष्य, आउनुहोस, सँगै अघि बढौंࡆ’ भन्ने नारासहित पार्वताले अमूल्य मत दिई अत्याधिक बहुमतले विजयी गराइदिन सम्पूर्ण शेयर सदस्यहरुमा हार्दिक अपिलसमेत गरेकी छिन् ।
संस्थामा ९ जनाको सञ्चालक समिति र तीन सदस्य लेखा सुपरिवेक्षण समिति गरी १२ पदका लागि उम्मेद्वारले मनोनयन दर्ता गराएका छन् । ६ वटा जिल्ला कार्यक्षेत्र रहेको संस्थाको ८० वढी सेवा केन्द्र रहेका छन् भने करिव २ लाख सदस्य रहेका छन् ।
